სუპერწიგნი

გაკვეთილი:

როცა ვინმეს რამეს დაუშავებ, ითხოვე პატიება.

დამატებითი

• პერსონაჟების პროფილები

  • იაკობი (ახალგაზრდა)

    გაიგეთ უფრო მეტი
    

    იაკობი (ახალგაზრდა)

    

    იაკობი, რომლის სახელიც ნიშნავს „მიმტაცებელს“, დაიბადა ესავის ქუსლს მოჭიდებული. იაკობმა ერთი ჯამი კერძის სანაცვლოდ დაათმობინა ესავს პირმშოობა.     ის ძალიან გამდიდრდა და საბოლოოდ, აღადგინა კიდეც ძმასთან ურთიერთობა.  ფენუელში ღმერთმა იაკობს სახელად „ისრაელი“ უწოდა, რაც „ღმერთის უფლისწულს“ ნიშნავს.       შიმშილობის დროს იაკობი ეგვიპტეში წავიდა თავის ძესთან, იოსებთან საცხოვრებლად, რომელიც ფარაონის შემდეგ მეორე კაცი იყო მთელ ქვეყანაში. 

    • ბიბლიური მუხლების მითითებები

      • დაბადება 28:15
      • დაბადება 25:23
      • დაბადება 25:29-34
      • დაბადება 27
      • დაბადება 28
      • დაბადება 29
      • დაბადება 31
      • დაბადება 32
      • დაბადება 32:28
      • დაბადება 33
      • დაბადება 42
      • დაბადება 49

  • ესავი

    გაიგეთ უფრო მეტი
    

    ესავი

    

    ესავის სახელი ნიშნავდა „ბალნიანს“, რადგან დაბადებისას ის წითური იყო და სქელი თმით ჰქონდა დაფარული სხეული.     პირველად ესავი დაიბადა, ხოლო შემდეგ მისი ძმა, იაკობი, რომელიც მის ქუსლს ეჭიდებოდა.  ესავს გარეთ ყოფნა უყვარდა და კარგი მონადირე დადგა.  ესავმა თავისი პირმშოობა ერთი ჯამი კერძის სანაცვლოდ მიჰყიდა იაკობს.  ესავი და იაკობი განშორებულნი იყვნენ მრავალი წლის განმავლობაში, მაგრამ ესავმა აპატია მას და ისინი შერიგდნენ.

    • ბიბლიური მუხლების მითითებები

      • ებრაელთა 12:16
      • დაბადება 25:25
      • დაბადება 36:1
      • დაბადება 25:27
      • დაბადება 25:28
      • დაბადება 25:30-34
      • დაბადება 26:34-35
      • დაბადება 32
      • დაბადება 33

  • ისააკი

    გაიგეთ უფრო მეტი
    

    ისააკი

    

    ისააკი, რომლის სახელიც ნიშნავს „ის იცინის“, აბრაამის და სარას ერთადერთი შვილი იყო. ღმერთმა აკურთხა ისააკი და იგი მდიდარი კაცი გახდა.  ისააკი მშვიდობისმოყვარული კაცი იყო და როცა შურიანმა ფილისტიმელებმა მისი ჭები ამოქოლეს, მან თავი აარიდა უთანხმოებას.  ნაცვლად იმისა, რომ ფილისტიმელებს შებრძოლებოდა, ისააკი სხვაგან გადადიოდა საცხოვრებლად და ახალ ჭებს თხრიდა.  ისააკი 180 წლისა გარდაიცვალა, მას შემდეგ, რაც იაკობი თავის ოჯახთან ერთად დაბრუნდა მესოპოტამიიდან. 

    • ბიბლიური მუხლების მითითებები

      • დაბადება 26:23-25
      • დაბადება 22
      • დაბადება 23:1
      • დაბადება 24
      • დაბადება 26:1
      • დაბადება 26:10-11
      • დაბადება 26:23-25
      • დაბადება 35:27-29

  • რებეკა

    გაიგეთ უფრო მეტი
    

    რებეკა

    

    როდესაც ისააკის ცოლი, რებეკა ორსულად იყო, ლოცულობდა ღმერთის წინაშე თავისი ტყუპებისათვის, რომლებიც ერთმანეთს ეხლებოდნენ მის მუცელში.  ღმერთმა უთხრა მას, რომ ტყუპებისგან წარმოიშობოდა ორი ერთმანეთის მოწინააღმდეგე ერი და უფროსი დაემონებოდა უმცროსს.  ნაცვლად იმისა, რომ ღმერთს მინდობოდა, რებეკამ თავად დაიწყო გეგმის შედგენა თავისი საყვარელი ძისთვის, იაკობისთვის.  გარდაცვალების შემდეგ რებეკა მახფელას მღვიმეში დაკრძალეს.

    • ბიბლიური მუხლების მითითებები

      • დაბადება 25:22
      • დაბადება 24
      • დაბადება 25:19-26
      • რომაელთა 9:10-12
      • დაბადება 25:27-34
      • დაბადება 27:1-40
      • დაბადება 27:41-46
      • დაბადება 49:30-31

• ვიდეოები

  იაკობი პირმშოობას ართმევს ესავს

  • 

    იაკობი პირმშოობას ართმევს ესავს

  • 

    ესავი ურიგდება იაკობს

  • 

    ისააკი აკურთხებს იაკობს

  • 

    იაკობმა სახელი უწოდა ფენუელს

  • 

    რებეკა იაკობისა და ესავის შესახებ უყვება კრისს

  • 

    იაკობი დაეჭიდა ღმერთს

  • 

    რებეკა ეხმარება იაკობს ტყუილის თქმაში

• კითხვები და პასუხები

  • რას გვეუბნება ბიბლია ორი ადამიანის  − იაკობისა და ესავის  − უნიკალურობის შესახებ? 

    განა საოცარი არ არის, რომ მსოფლიოში ორი ადამიანიც კი არ მოიძებნება თითების ერთნაირი ანაბეჭდებით?  ღმერთმა თითოეული ჩვენგანი უნიკალურ ადამიანად შექმნა.  ღმერთმა ყველაფერი იცოდა შენზე მანამ, სანამ შენ დაიბადებოდი (ფსალმუნი 138:13-16). სიხარულით მიიღეთ ის, რომ ადამიანები ერთმანეთისგან განსხვავებულნი და მრავალფეროვანნი არიან და მადლობა გადაუხადეთ ღმერთს იმისათვის, რაც უნიკალურ ადამიანად გაქცევთ.
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • ფსალმუნები 139:13-16

  • როგორ გვიჩვენებს იაკობისა და ესავის ისტორია იმას, რომ ყოველ მოქმედებას თავისი შედეგები მოჰყვება? 

    ყველა მოქმედებას აქვს თავისი შედეგი, დიდი თუ მცირე, დადებითი და უარყოფითი, ხანმოკლე თუ ხანგრძლივი. „თუ ... მაშინ“ არის მიზეზ-შედეგობრივი კავშირი, რასაც მთელ ბიბლიაში ვხედავთ.  ადამისა და ევას მოქმედებასაც მოჰყვა თავისი შედეგები, რამაც ყველა ადამიანზე იმოქმედა, მათ შორის შენზეც.  თქვენი მოქმედებები არა მარტო თქვენზე, არამედ სხვებზეც ახდენს გავლენას.  იფიქრეთ შესაძლო შედეგებზე, სანამ რაიმეს გააკეთებთ.
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • დაბადება 3:16-19

  • როცა ვინმეს რამეს დაუშავებ, უნდა ითხოვო თუ არა პატიება? 

    ღმერთი მალე გვპატიობს, მაგრამ ხშირად ჩვენ სულ არ ვჩქარობთ სხვების პატიებას. ბიბლია გვასწავლის, რომ ღმერთი მიმტევებელია.  ღმერთი გვპირდება, რომ მოგვიტევებს, როცა თავად ვითხოვთ პატიებას (1 იოანე 1:9). როცა იესო ქრისტე ამქვეყნად ცხოვრობდა, ის ბევრს საუბრობდა პატიების შესახებ და ყურადღებას ამახვილებდა მის მნიშვნელობაზე.  იესომ თქვა: „მიუტევეთ და მოგეტევებათ“ (ლუკა 6:37). ის ასევე გვაფრთხილებს უპატიებლობის შედეგების შესახებ იგავში იმ მონაზე, რომელმაც თავის თანამონას ვალი არ აპატია (მათე 18:23-35). იგავი დაკარგული ძის შესახებ (ლუკა მე-15 თავი) ყურადღებას ამახვილებს მონანიებაზე, მაგრამ ასევე თვალსაჩინოდ გვიჩვენებს იმას, რომ უნდა ვითხოვოთ პატიება, როცა ვინმეს რამეს დავუშავებთ. 
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • 1-ლი იოანე 1:9
    • ლუკა 6:37
    • მათე 18:23-35
    • ლუკა 15

  • რით ჰგავს პატიება საჩუქარს? 

    პატიება საჩუქარია, რომელიც შეიძლება მიიღოთ ან სხვას აჩუქოთ. ეს არის საჩუქარი, რომელიც გათავისუფლებთ შიშისგან, ბოღმისგან და შურისძიების სურვილისგანაც კი.  ბიბლია გვასწავლის: „მაგრამ იყავით კეთილნი ერთიმეორის მიმართ, თანაუგრძნეთ და მიუტევეთ ერთმანეთს, როგორც ქრისტეში მოგიტევათ თქვენ ღმერთმა“ (ეფესელთა 4:32). უფალი იესო სერიოზულად გვაფრთხილებს უპატიებლობის შესახებ: „თუ თქვენ მიუტევებთ ადამიანებს, თქვენც მოგიტევებთ თქვენი ზეციერი მამა. ხოლო თუ თქვენ არ მიუტევებთ ადამიანებს მათ შეცოდებებს, არც თქვენი ზეციერი მამა არ მოგიტევებთ თქვენს შეცოდებებს“ (მათე 6:14-15). დაიმახსოვრეთ ეს გაფრთხილება, რადგან პატიება საჩუქარია და თქვენზეა დამოკიდებული, გასცემთ/აჩუქებთ მას ადამიანებს თუ დაუკავებთ.
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • ეფესელთა 4:32
    • მათე 6:14-15

  • როგორ შეგვიძლია დავინახოთ იაკობის ცხოვრებიდან ის, რომ ღმერთს წინ ვერ გადავუხტებით?

    იაკობის დროს ადამიანებს სჯეროდათ, რომ მათი ღმერთები მხოლოდ იმ ადგილას იმყოფებოდნენ, სადაც თავად ცხოვრობდნენ. თუმცა იაკობმა გააცნობიერა, რომ უფალი ღმერთი ყველგან არის. ძმისგან გაქცეულმა სიზმარი რომ ნახა, მიხვდა, რომ ღმერთი მასთან იყო. შეიძლება ადამიანებს გაექცეთ, მაგრამ ღმერთს ვერ გაექცევით და ვერც დაემალებით.  ღმერთი გპირდებათ, რომ ყოველთვის თქვენთან იქნება. 
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • დაბადება 28:10-21