სუპერწიგნი

გაკვეთილი:

ღმერთის წესები იმისათვის არსებობს, რომ დაგვეხმაროს და დაგვიცვას. 

დამატებითი

• პერსონაჟების პროფილები

  • მოსე

    გაიგეთ უფრო მეტი
    

    მოსე

    

    როგორც ღმერთმა უთხრა, მოსე ისე მოიქცა და ისრაელიანები ეგვიპტიდან გამოიყვანა, სადაც ისინი მონობაში იტანჯებოდნენ.  მეწამული ზღვის სასწაულებრივად გავლის შემდეგ ისრაელიანებისათვის დაიწყო ნამდვილი თავგადასავალი − ექნებოდათ თუ არა რწმენა იმისა, რომ ღმერთი იზრუნებდა მათზე და მისცემდა იმას, რაც საჭირო იყო. მოსე, რომელიც ისრაელიანთა წინამძღოლი გახლდათ, ბევრი სიძნელის წინაშე აღმოჩნდა. ერთ-ერთი ყველაზე დიდი სიძნელე წარმოიშვა მაშინ, როცა ის სინას მთაზე იმყოფებოდა. 

    • ბიბლიური მუხლების მითითებები

      • გამოსვლა 3:12
      • გამოსვლა 16:18-20
      • გამოსვლა 2:1-10
      • გამოსვლა 3:12
      • გამოსვლა 16
      • გამოსვლა 18
      • გამოსვლა 19:6
      • გამოსვლა 20
      • რიცხვნი 20:1-13
      • მეორე რჯული 33:1-29
      • მეორე რჯული 34:1-8

  • აარონი

    გაიგეთ უფრო მეტი
    

    აარონი

    

    აარონი იყო მოსეს ძმა. როცა ღმერთმა მოსეს ეგვიპტიდან ებრაელთა გამოყვანისკენ მოუწოდა, აარონი გახდა მისი „ოფიციალური წარმომადგენელი“.    აარონი ისრაელიანთა პირველი მღვდელმთავარი გახდა, მაგრამ დასაწყისში მისი მსახურება საეჭვო იყო.  მან შეასრულა ისრაელიანთა მოთხოვნა ოქროს ხბოს გაკეთებისა და თაყვანისცემის შესახებ. ალბათ ფიქრობ: „რა ოქროს ხბო“?    მაგრამ ეს სიმართლეა.

    • ბიბლიური მუხლების მითითებები

      • გამოსვლა 7:1
      • გამოსვლა 6:23
      • გამოსვლა 7:8-20
      • რიცხვნი 17:1-10
      • გამოსვლა 28
      • რიცხვნი 20:22-29

  • ზაქარია

    გაიგეთ უფრო მეტი
    

    ზაქარია

    

    ზაქარია გამოგონილი მეგობარია, რომელიც კრისთან, ჯოისა და გიზმოსთან ერთად არის იმ დროის განმავლობაში, როცა ისინი სინას მთას სტუმრობენ.  თავის ახალ მეგობრებთან ერთად ის აღმოაჩენს ისრაელიანთათვის ზეციდან მოსულ მანანას. 

    • ბიბლიური მუხლების მითითებები

      • ფსალმუნები 78:24

• ვიდეოები

  ათი მცნება  − ხსნის სიმღერა 

  • 

    მოსე

  • 

    აარონი

  • 

    უფალი უცხადებს საკუთარ თავს მოსეს

• კითხვები და პასუხები

  • როგორ უნდა ენდოთ ღმერთს და გჯეროდეთ, რომ ღმერთი მოგცემთ ყოველივე საჭიროს ისევე, როგორც უდაბნოში მყოფ ისრაელიანებზე იზრუნა?

    ღმერთის ერთ-ერთი სახელია „იაჰვე ირე“, რაც ნიშნავს „ღმერთი გამოაჩენს“ („ღმერთი იზრუნებს“).           ეს იმას არ ნიშნავს, რომ ღმერთი მოგცემს ყველაფერს, რასაც მოისურვებ (ის ღმერთია და არა ბოთლში მყოფი ჯინი), მაგრამ ის უზრუნველგყოფს ყოველივეთი, რაც გჭირდება.  მათ, ვისაც უყვართ ღმერთი და ემორჩილებიან მას, ღმერთი ჰპირდება, რომ მისცემს ყოველივე საჭიროს.  შეგვიძლია ვენდოთ მას, რადგან ის ყოველთვის ასრულებს თავის სიტყვას.  ფილიპელთა 4:19-ში პავლე წერს: „ხოლო ჩემი ღმერთი აღავსებს თქვენს ყოველ საჭიროებას თავისი სიუხვისამებრ, დიდებით ქრისტე იესოში.“     წუწუნის ან მოთხოვნის ნაცვლად, მიენდეთ ღმერთს და გწამდეთ, რომ ის მოგცემთ ყოველივე საჭიროს.  ის ყოველთვის ერთგულია!
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • დაბადება 22:14
    • ფილიპელთა 4:19

  • ნამდვილად სურს ღმერთს, რომ პირველ ადგილზე იყოს თქვენს ცხოვრებაში? 

    ღმერთმა ისრაელიანებს (და ჩვენც) მისცა ათი მცნება მათ დასაცავად და დასახმარებლად.    პირველი მცნება ეხება ღმერთისა და მისი ერის ურთიერთობას, როგორც მთლიან საზოგადოებას, ასევე ცალკეულ პიროვნებებს.  „დააყენე ღმერთი პირველ ადგილზე“ სწორედ ამას ნიშნავს.     ღმერთს სურს, რომ უპირველესი იყოს თქვენს ცხოვრებაში.  აქციეთ იგი ყველაზე მნიშვნელოვან პიროვნებად თქვენს ცხოვრებაში.  როცა იესოს ჰკითხეს იმის შესახებ, თუ რომელია ყველაზე მნიშვნელოვანი მცნება, მან უპასუხა: „შეიყვარე უფალი, ღმერთი შენი, მთელი გულით, მთელი შენი სულით და მთელი შენი გონებით“ (მათე 22:37). ამაზეა გამახვილებული ყველაზე დიდი ყურადღება ღმერთის წესებსა და უფალ იესოს სწავლებაში. 
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • მათე 22:37

  • რატომ არის ასე მნიშვნელოვანი ღვთის წესების დაცვა? 

    თუ მატარებელი რელსებზე დგას, ის თავისუფლად წავა წინ და შეასრულებს იმ დანიშნულებას, რომლისთვისაც არის შექმნილი.  რელსების გარეშე მატარებელი ვერსად წავა.  ღმერთის წესები ადამიანებისთვის იგივეა, რაც მატარებლებისთვის რელსები.  თუ ჩვენ მივყვებით ღმერთის წესებს, გვაქვს თავისუფლება და ვცხოვრობთ ისე, როგორი ცხოვრებისთვისაც შეგვქმნა უფალმა.  დააყენეთ ღმერთი ყველაფერზე წინ და დაიცავით მისი წესები. 
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • გამოსვლა 20:1-18

  • რას იგებთ აარონის მიერ მოსესთვის გაცემული პასუხიდან (მას შემდეგ, რაც აარონმა ოქროს ხბო ჩამოასხა)? 

    მიუხედავად იმისა, რომ აარონმა უთხრა ისრაელიანებს, მიეტანათ მასთან ოქროს საყურეები ოქროს ხბოს გასაკეთებლად, მან თავი გაიმართლა და მოსე მოატყუა კიდეც, როცა მოსემ პასუხი მოსთხოვა ჩადენილი საქციელისათვის.  მას არ აუღია პასუხისმგებლობა საკუთარ ქმედებებზე.
    
    
    
    ისრაელიანებმა მოუთმენლობა გამოიჩინეს და არ დაემორჩილნენ ღმერთს. მათ ცოდვას ძალიან სერიოზული შედეგები მოჰყვა.  თუმცა ღმერთს ისე ძლიერ ვუყვარვართ, რომ მცდარ მოქმედებათა გამო ჩვენი დასჯის ნაცვლად, მან სხვა გზა ნახა ჩვენი ცოდვების მოსატევებლად: უფალმა იესომ იკისრა სასჯელი ჩვენი ცოდვებისათვის, როცა ის ჯვარზე მოკვდა. 
    
    
    
    თქვენ უნდა აიღოთ პასუხისმგებლობა საკუთარ მოქმედებებზე და აღიაროთ თქვენი ცოდვა.  ღმერთი გპირდება, რომ მოგიტევებს იესო ქრისტეს მეშვეობით. ღმერთი თანამგრძნობელი და მოწყალეა, რისხვაში ნელია და აღსავსეა სიყვარულითა და ერთგულებით. ბიბლიაში სხვა ადამიანთა შეცდომების შესახებ კითხვისას შეგიძლიათ დაფიქრდეთ, რათა იგივე შეცდომები თქვენც არ გაიმეოროთ მომავალში. 

    • გამოსვლა 32:22-23
    • 1-ლი იოანე 1:9
    • გამოსვლა 34: 6

  • როგორ შეიძლება შეცვალოს ჩვენი ცხოვრება (მოსეს მსგავსად) ღმერთთან გატარებულმა დრომ? 

    ღმერთთან გატარებული დრო გვცვლის.  მაგალითად, მოსეს სახე ანათებდა. ღვთის თანდასწრებაში ყოფნა, ლოცვა, მასთან საუბარი, ბიბლიის კითხვა და ღვთის შესახებ უფრო და უფრო მეტის გაგება შინაგანად გვცვლის.  ჩვენ აღსავსენი ვართ ღვთის სულითა და სიყვარულით და ის გვაძლევს ძალას და სიბრძნეს ყოველდღიურად: „ჩვენ კი ყველანი ახდილი სახით ვხედავთ უფლის დიდებას, როგორც სარკეში, და გარდავისახებით იმავე სახედ დიდებიდან დიდებაში, როგორც უფლის სულისაგან“ (2 კორინთელთა 3:18). გაატარეთ დრო ღმერთთან და ის შეგცვლით შინაგანად, რათა უფრო და უფრო მეტად მიემსგავსოთ ღმერთს და მის ხასიათს.

    • გამოსვლა 34:29
    • მე-2 კორინთელთა 3:18