სუპერწიგნი

გაკვეთილი:

მნიშვნელობა არ აქვს, რამდენად ცუდი ხარ ან რა ჩაგიდენია, ღმერთს შეუძლია დაგეხმაროს იმაში, რომ შეიცვალო. 

დამატებითი

• პერსონაჟების პროფილები

  • სავლე/პავლე

    გაიგეთ უფრო მეტი
    

    სავლე/პავლე

    

    სავლე, ფარისევლის ძე (საქმეები 23:6), დაიბადა ტარსუსში, რომელიც მნიშვნელოვანი ბერძნული ქალაქი გახლდათ.  მან შესანიშნავად ისწავლა იუდეველთა რჯული და წეს-ჩვეულებები და დიდი მომავალი ელოდა, როგორც ერთ-ერთ წარმატებულ ფარისეველს.  სავლე დევნიდა ქრისტიანებს, მაგრამ უფალი იესო გამოეცხადა მას და სამუდამოდ შეცვალა მისი ცხოვრება.  უფალ იესოსთან შეხვედრის შემდეგ, სავლეს ეწოდა პავლე და ის ქრისტიანობის უდიდეს მისიონერად იქცა.

    • ბიბლიური მუხლების მითითებები

      • ფილიპელთა 1:20-21
      • მოციქულთა საქმეები 23:6
      • მოციქულთა საქმეები 13:9
      • მოციქულთა საქმეები 13:21
      • მოციქულთა საქმეები 19
      • მოციქულთა საქმეები 17
      • მოციქულთა საქმეები 21
      • მოციქულთა საქმეები 27
      • მოციქულთა საქმეები 28

  • სტეფანე

    გაიგეთ უფრო მეტი
    

    სტეფანე

    

    სტეფანე გახლდათ ადრეული ეკლესიის პირველი შვიდი დიაკვნიდან ერთ-ერთი. დიაკვნები იყვნენ ის მამაკაცები, რომლებიც იმისათვის აირჩიეს, რომ ბერძნული წარმოშობის გაჭირვებული ქრისტიანებისათვის საკვები გაენაწილებინათ (საქმეები 6:5). სტეფანე სულიწმიდით აღსავსე ადამიანი იყო, რომელიც ქადაგებდა ქრისტეს შესახებ და ამხილებდა ებრაელთა რელიგიურ წინამძღოლებს.  მისმა სიტყვებმა დიდად განარისხა ებრაელი ერის წინამძღოლები და ამიტომაც მათ მოკლეს სტეფანე.  სტეფანე გახდა პირველი ქრისტიანი წამებული, რომელმაც თავი სახარების გულისათვის გაწირა. 

    • ბიბლიური მუხლების მითითებები

      • მოციქულთა საქმეები 7:59-60
      • მოციქულთა საქმეები 6:5
      • მოციქულთა საქმეები 7:57-58
      • მოციქულთა საქმეები 8:1-3

  • ანანია

    გაიგეთ უფრო მეტი
    

    ანანია

    

    სახელი „ანანია“ ნიშნავს „ღმერთი მოწყალეა“.       ის გახლდათ ქრისტიანი მორწმუნე და ცხოვრობდა დამასკოში მაშინ, როცა სავლეს უფალი გამოეცხადა. ანანიამ იხილა უფლისგან მოვლინებული ხილვა და მივიდა სავლესთან, მიესალმა მას, როგორც თავის ძმას, ხელები დაასხა და აუხსნა, რაც შეემთხვა მას (სავლეს) დამასკოსკენ მიმავალ გზაზე.  სავლეს სასწაულებრივად დაუბრუნდა მხედველობა; შემდეგ კი მოინათლა (საქმეები 22:12-16).

    • ბიბლიური მუხლების მითითებები

      • მოციქულთა საქმეები 9:15
      • მოციქულთა საქმეები 9:13-16
      • მოციქულთა საქმეები 22:12-16

  • მღვდელმთავარი

    გაიგეთ უფრო მეტი
    

    მღვდელმთავარი

    

    მღვდელმთავრები და ყველაზე დიდი ძალაუფლების მქონე მღვდლები, ძირითადად, სადუკეველები იყვნენ (საქმეები 5:17). ეს იყო ებრაული რელიგიური ჯგუფი, რომელიც, ძირითადად, მიწათმფლობელების, ვაჭრებისა და მღვდლებისგან შედგებოდა. სადუკეველები უპირისპირდებოდნენ იესოს მსახურებას (მათე 22: 23-24) და ასევე ეწინააღმდეგებოდნენ ადრეულ ეკლესიას (საქმეები 4:1-3, საქმეები 5:17-18).

    • ბიბლიური მუხლების მითითებები

      • მოციქულთა საქმეები 5:17
      • მოციქულთა საქმეები 5:17
      • მათე 22:23-24
      • მოციქულთა საქმეები 4:1-3
      • მოციქულთა საქმეები 5:17-18

  • ქელები

    გაიგეთ უფრო მეტი
    

    ქელები

    

    ქელები არის კრისის, ჯოისა და გიზმოს გამოგონილი მეგობარი, რომელიც მათ სავლესგან გაქცევაში დაეხმარა.  ქელებმა უამბო მათ სტეფანეს მოწამეობრივი სიკვდილის ამბავი და დაეხმარა ჯოისა და გიზმოს დამასკომდე მისვლაში.

    • ბიბლიური მუხლების მითითებები

      • მათე 18:4

• ვიდეოები

  დამასკოსკენ მიმავალი გზა − ხსნის სიმღერა

  • 

    პავლე

  • 

    ანანია

  • 

    ქელები

  • 

    მღვდელმთავარი

  • 

    სტეფანე

• კითხვები და პასუხები

  • საიდან ჰქონდა სტეფანეს იმის ძალა, რომ ელაპარაკა ღვთის სიყვარულის შესახებ მათთანაც კი, ვისაც მისი მოკვლა სურდათ? 

    სტეფანემ მიიღო სულიწმიდა, როცა იესოს მიმდევარი გახდა.  მანამ, სანამ იესო ზეცად ამაღლდებოდა, ის თავის მორწმუნეებს დაჰპირდა, რომ ისინი მიიღებდნენ სულიწმიდას, რომელიც მათ მისცემდა ადამიანებისათვის სახარების ქადაგების ძალას. ეს დაპირება შესრულდა იესოს აღდგომიდან ორმოცდამეათე დღეს, სულთმოფენობისას.  მოწაფეები შეიცვალნენ, ისინი ძალით აღსავსე ადამიანები გახდნენ. ყველა ქრისტიანს აქვს ღვთისგან მიცემული ძალა. თუ უფალ იესოსი გწამს, შენც გაქვს მისგან მოცემული ძალა!
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • მოციქულთა საქმეები 1:8
    • მოციქულთა საქმეები 2:1-47

  • როგორ ცხადყოფს პავლეს ცხოვრება იმას, რომ უფალ იესოს კვალდაკვალ სიარულს შეიძლება ტანჯვა მოჰყვეს?

    არსებობს ორი გზა.  მანამ, სანამ პავლე ქრისტეს მიმდევარი გახდებოდა, ის ქრისტიანებს სდევნიდა.  მას შემდეგ, რაც მან უფალ იესოს კვალდაკვალ დაიწყო სიარული, ის გახდა დევნილი თავისი რწმენის გამო.  თუ ქრისტიანი გახდები, ზეცაში მარადიულად ღმერთთან ერთად იქნები, მაგრამ ქრისტიანად ყოფნა არ უზრუნველყოფს ცხოვრებას სირთულეების (და ხან დევნის) გარეშე.   პირველი ქრისტიანები სასტიკად იდევნებოდნენ იმის გამო, რომ სწამდათ უფალი იესო ქრისტე, ღვთის ძე.  თავად უფალი იესოც შეიპყრეს, სცემეს და ჯვარს აცვეს. 
    
    
    
    შესაძლოა, თქვენ არავინ გდევნიდათ მოკვლის მიზნით, მაგრამ ალბათ გამოგიცდიათ, რას ნიშნავს მეგობრების მიერ გარიყვა, თავის არიდება და დაცინვა იმის გამო, რომ ქრისტეს მორწმუნე ხართ. უფალი იესო ამბობს: „ნეტარ არიან სიმართლისათვის დევნილნი, ვინაიდან მათია სასუფეველი ცათა“ (მათე 5:10).    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • მათე 5:10

  • როგორ გვიჩვენებს პავლე მოციქულის მოქცევის ისტორია, რომ ჩვენ უნდა მივყვეთ უფალ იესოს და არა რელიგიას? 

    ზოგი ადამიანი იმდენად არის დაკავებული რელიგიით, რომ არ ესმით, რას ეუბნებათ მათ უფალი იესო ბიბლიის მეშვეობით. სავლე გულწრფელად და მონდომებით იცავდა რელიგიურ წეს-ჩვეულებებს.  შემდეგ უფალი იესო გამოეცხადა მას დამასკოსკენ მიმავალ გზაზე და სავლემ გაიგო, რომ რელიგიის ნაცვლად, უფალ იესოს მიმდევარი უნდა ყოფილიყო.  უფალ იესოს გზაზე სიარული ნიშნავს მასთან პირად ურთიერთობას და არა მხოლოდ გარკვეული წესების დაცვას. 
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • მოციქულთა საქმეები 9:1-43

  • როგორ გვიჩვენებს ანანიას ცხოვრება მორჩილების მნიშვნელობას?

    წარმოიდგინეთ, ანანია რომ არ დამორჩილებოდა ღმერთის ნათქვამს: „წადი!“    სავლე მორწმუნე არ გახდებოდა და სახარება არ ეუწყებოდა „წარმართებს, მეფეებს და ისრაელიანებს“ (საქმეები 9:15).    სავლე, რომელსაც მოგვიანებით პავლე ეწოდა, არ დაწერდა იმ უამრავ წერილს, რომელიც ახალ აღთქმაში გვაქვს.  ანანიამ მოუსმინა და დაემორჩილა.  ამის გამო ისტორია შეიცვალა.  როცა ღმერთი მითითებას გაძლევს, დაემორჩილე! 
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • მოციქულთა საქმეები 9:15

  • როგორ გაამხნევებს პავლეს მოქცევის ისტორია მათ, ვინც ფიქრობენ, რომ ძალიან ცუდი ადამიანები არიან იმისათვის, რომ ქრისტიანები გახდნენ? 

    ღმერთს სურს, რომ მას გაჰყვე და არ იარო შენი საკუთარი გზით.  მას შეუძლია დაგეხმაროს მიმართულების შეცვლაში.  მას ასევე შეუძლია დაგეხმაროთ იმაში, რომ შეიცვალოთ სასიკეთოდ, რათა დიდება მიაგოთ მის სახელს.  შესაძლოა, შესაცვლელი იყოს თქვენი შეხედულებანი, აზრები, დამოკიდებულებანი, ჩვევები ან ქცევები.  სავლეს ცხოვრება სრულიად შეიცვალა ღვთის ძალის მეშვეობით.  ღმერთს შეუძლია შენც შეგცვალოს! 
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • რომაელთა 3:23-24