სუპერწიგნი

გაკვეთილი:

დადექით სიმართლის  მხარეს, დაიცავით ის, რისიც გჯერათ და მნიშვნელობა არ აქვს, რაოდენ რთულადაც არ უნდა გეჩვენებოდეთ სიტუაცია.

დამატებითი

• პერსონაჟების პროფილები

  • მეფე დარიოსი

    გაიგეთ უფრო მეტი
    

    მეფე დარიოსი

    

    მეფე დარიოსი იყო ბაბილონის მბრძანებელი და ის ძალიან აფასებდა დანიელს (დანიელი მე-6 თავი). მიუხედავად ამისა, ჩანს, რომ მას დიდი წარმოდგენა ჰქონდა საკუთარ თავზე, რადგან დათანხმდა ისეთი კანონის მიღებას, რომლის მიხედვითაც იმპერიის ყველა მცხოვრებს მის წინაშე უნდა ელოცა, თუ არადა ლომების ხაროში იქნებოდა ჩაგდებული კანონის დამრღვევი.  დააწკაპუნეთ აქ, რათა გაიგოთ, დაემორჩილა თუ არა დანიელი ამ ბრძანებას.

    • ბიბლიური მუხლების მითითებები

      • დანიელი 6:26-27
      • დანიელი 6

  • მეფე დარიოსის მრჩევლები 

    გაიგეთ უფრო მეტი
    

    მეფე დარიოსის მრჩევლები 

    

    ვისაუბროთ შარიანი და მუდამ უკმაყოფილო ადამიანების შესახებ! მეფე დარიოსის ზოგიერთი მრჩეველი ისეთი მზაკვარი და ცბიერი იყო, რომ მათ შეთქმულება მოაწყვეს დანიელის წინააღმდეგ. ამისათვის მათ მეფის ხელმოწერა სჭირდებოდათ ბრძანებაზე, რომლის გამოყენებითაც ისინი დანიელს ლომების ხაროში ჩააგდებდნენ.  მაგრამ ეს ამბავი იმით დასრულდა, რომ დანიელის ნაცვლად, თავად ხვდათ წილად ეს სასჯელი. დააწკაპუნეთ აქ იმისთვის, რომ გაიგოთ, წარმატებით დაგვირგვინდა თუ არა მათი შეთქმულება.

    • ბიბლიური მუხლების მითითებები

      • დანიელი 6:8
      • დანიელი 6:1-9

  • დანიელი

    გაიგეთ უფრო მეტი
    

    დანიელი

    

    დანიელი ებრაელი ტყვე იყო ბაბილონის ქვეყანაში, მაგრამ ის კვლავ თავის ღმერთს ემორჩილებოდა და ღვთის სიტყვის თანახმად ცხოვრობდა.  დანიელმა თავისი გაბედული ქმედებებით გამოავლინა თავისი ერთგულება და მიძღვნა ღვთის მიმართ, რადგან ის აკეთებდა იმას, რაც სწორი იყო და შედეგებზე არ ფიქრობდა.  იმის შესახებ, თუ ვინ იყო დანიელი და როგორ იცავდა მას უფალი, გაიგეთ აქ.

    • ბიბლიური მუხლების მითითებები

      • დანიელი 6:4
      • დანიელი 1
      • დანიელი 2:4
      • დანიელი 5
      • დანიელი 7

  • ლომების ხარო

    გაიგეთ უფრო მეტი
    

    ლომების ხარო

    

    ლომების ხარო გახლავთ: ლომებით სავსე ორმო.  დანიელის დროს, ეს იყო ადგილი, სადაც პატიმრებს სიკვდილით სჯიდნენ.  დანიელი ლომების ხაროში ჩააგდეს, მაგრამ დააწკაპუნეთ აქ იმის გასაგებად, თუ ვინ იქცა ლომების ლუკმად.

    • ბიბლიური მუხლების მითითებები

      • დანიელი 6:16
      • დანიელი 6:12
      • დანიელი 6:17
      • დანიელი 6:23

• ვიდეოები

  დანიელი ლოცულობს

  • 

    დანიელი ლოცულობს

  • 

    მეფე დარიოსი

  • 

    მრჩეველთა შეთქმულება დანიელის შესაპყრობად

  • 

    დანიელი ლომების ხაროში

  • 

    დანიელი ცოცხალია

• კითხვები და პასუხები

  • დანიელის ცხოვრებაზე დაკვირვებით, როგორ უნდა ვაკეთოთ ის, რაც სწორია? 

    დანიელის 1:8-ში დაწერილია: „დანიელმა გულში ჩაიდო, არ გაუწმინდურებულიყო.“    ჩვენ იმის მიხედვით ვიღებთ გადაწყვეტილებებს, რაც სწორად და მართლად მიგვაჩნია.  სწორედ ამიტომ, მნიშვნელოვანია ვიცოდეთ, რისი გვწამს და რატომ.  ბიბლიის კითხვის მეშვეობით შეგიძლიათ გაიგოთ, რისი უნდა გწამდეთ. ბიბლიაში დაწერილია: „მთელი წერილი ღვთივსულიერია და სასარგებლოა სასწავლებლად, სამხილებლად, გამოსასწორებლად, დასარიგებლად სიმართლეში“ (2 ტიმოთე 3:16).   
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • დანიელი 1:8
    • მე-2 ტიმოთე 3:16-17

  • როგორ ამჟღავნებდა დანიელი ღვთის ხასიათს?

    დანიელის 6:4-ში დაწერილია, რომ სასახლის კარის სხვა მოხელეები მიზეზს ვერ პოულობდნენ იმისათვის, რომ დანიელი რაიმეში დაედანაშაულებინათ.  ის ერთგული და პატიოსანი კაცი იყო და ყოველთვის პასუხისმგებლობით ეკიდებოდა თავის საქმეს. ღმერთი ადამიანის გულს უყურებს (1 მეფეთა 16:7).  ღმერთი მოგვიწოდებს წმინდა ცხოვრებისკენ (1 პეტრე 2:13-16) და გვიბრძანებს, რომ გამოვიღოთ სულის ნაყოფი (გალატელთა 5:22-26). ზოგიერთი ღვთიური ფასეულობა, რომელიც დანიელმა გამოავლინა, იყო ერთგულება, პასუხისმგებლობა და სანდოობა (დანიელი 6:4). ის მადლობელი იყო ღმერთის და მუდამ ლოცულობდა (დანიელი 6:10).
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • 1-ლი მეფეთა 16:7
    • დანიელი 6:4
    • 1-ლი პეტრე 2:13-16
    • გალატელთა 5:22-26
    • დანიელი 6:10

  • როგორ გვიჩვენებს დანიელის ცხოვრება იმას, რომ უნდა მოვიქცეთ ჩვენი რწმენის შესაბამისად?

    დანიელის 6:10-ში დაწერილია: „როდესაც დანიელმა შეიტყო, რომ ასეთი სიგელი [რომ მეფის გარდა არავის წინაშე არ უნდა ელოცა ხალხს] იქნა ხელმოწერილი, შინ წავიდა. მისი ზემოთვალის სარკმლები იერუსალიმის მხარეს იყო გაღებული.  დღეში სამჯერ იდრეკდა მუხლს და ლოცულობდა და მადლს სწირავდა თავისი ღმერთის წინაშე.“ 
    
    
    
    განა ეს გასაოცარი არ არის? დანიელი იმდენად ენდობოდა ღმერთს, რომ ზუსტად იმას აკეთებდა, რასაც ღმერთი მოითხოვდა მისგან, მაშინაც კი, როცა საქმე რთულად იყო! ჩვენი ყოველი მოქმედება ჩვენ ნაცვლად იმეტყველებს. ჩვენც ასევე უნდა მივენდოთ ღმერთს და დავიცვათ ის, რაც გვწამს, თუნდაც რთულ გარემოებაში ვიყოთ. გარდა ამისა, სულიწმიდა დაგვეხმარება ამგვარი გასაჭირის დროს.
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • დანიელი 6:10
    • ლუკა 12:12
    • მათე 10:20
    • იოანე 14:26

  • არის თუ არა დანიელის ცხოვრება ჩვენთვისაც კარგი მაგალითი, რომელიც მიგვითითებს იმაზე, თუ როგორ უნდა ვლოცულობდეთ? 

    დიახ, რა თქმა უნდა.  დანიელის 6:10-ში დაწერილია: „დღეში სამჯერ იდრეკდა მუხლს, ლოცულობდა და მადლს სწირავდა.“    დღეში სამჯერ ლოცვა ჯადოსნურ რიცხვს ნამდვილად არ ნიშნავს, მაგრამ აშკარაა ის, რომ დანიელისთვის ლოცვა (ღმერთთან საუბარი) ძალიან მნიშვნელოვანი იყო.  ღმერთთან ურთიერთობა დიდად ფასეული იყო მისთვის.  ეს დისციპლინაც იყო, რადგან ის ყოველდღე რეგულარულად ლოცულობდა. იმისათვის, რომ ქრისტიანად გავიზარდოთ, ყოველდღიურ დისციპლინად უნდა ვაქციოთ ლოცვა და ბიბლიის კითხვა.  იმის გამო, რომ დანიელს მტკიცე ურთიერთობა ჰქონდა ღმერთთან, მან მაშინვე ლოცვაში აუწყა ღმერთს, რომ საფრთხე ემუქრებოდა. 
    
    
    
    გაიგეთ, როგორ უყვარხართ ღმერთს და რა გეგმა აქვს მას თქვენთვის

    • დანიელი 6:10
    • ლუკა 6:12
    • 1-ლი თესალონიკელთა 5:16-18

  • როგორ გავლენას ახდენს დანიელის პატიოსანი ცხოვრება სხვებზე?

    დანიელი პატიოსანი და ერთგული ადამიანი იყო. ეს თვისება დიდ გავლენას ახდენდა ადამიანებსა და ერებზე.  დანიელის 6:25-26-ში დაწერილია, რომ მეფე დარიოსმა წერილი გაუგზავნა ყველა ხალხს, ტომსა და ენას მთელ ქვეყანაზე. ყველას უბრძანა, რომ ყველას დანიელის ღმერთის წინაშე ჰქონოდა შიში და პატიცი ეცათ მისთვის, რადგან ის იყო ცოცხალი ღმერთი, სასწაულების მოქმედი და მისი სამეფო არასოდეს განადგურდებოდა. დანიელის ერთგულებასა და პატიოსნებას დიდი გავლენა ჰქონდა სხვებზე.  ასევე, ჩვენი ერთგულებითა და პატიოსნებით შეგვიძლია გავლენა მოვახდინოთ სხვა ადამიანებზე.  გახსოვდეთ, ღმერთი მოგცემთ ძალას იმისათვის, რომ ერთგულად და პატიოსნად იცხოვროთ.

    • დანიელი 6:25-26
    • მოციქულთა საქმეები 1:8